Bíddu bara – ÞETTA REDDAST.

Frumsýning 8. október í Bæjarbíói.

Björk Jakobs, Salka Sól og Selma Björns snúa aftur með glænýja sýningu:
Bíddu bara – ÞETTA REDDAST.

Bíddu bara var feykivinsæl sýning á sínum tíma en nú hefur bara svo margt gerst að það er löngu kominn tími á nýtt trúnó og annað hláturskast sem við öll getum haft gaman af.

Salka er komin með tvö börn og hefur ekki sofið út í sex ár!
Selma er komin á breytingarskeiðið (Guð hjálpi okkur öllum).
Björk er orðin amma og þarf nú að hlusta á börnin segja sér hvernig á að ala upp börn.
Ef þú vilt sjá eitthvað annað en fullkomna Instagram-pósta þá er þetta sýning fyrir þig.
Við látum allt flakka og langflest er dagsatt.
Sýningin er sketsa og uppistandssýning með frumsömdum lögum í anda „Bíddu bara“.

Þetta höfðu gagnrýnendur að segja um síðustu sýningu.

„Glæsilegur gleðifarsi sem enginn sem nýtur þessa að hlæja ætti að láta hjá sér fara.“
Morgunblaðið

„Sýningin á alveg 5 1/2 stig skilin af 5 mögulegum.“
Fjarðarpósturinn

„Það er bara eins gott, kæri lesandi, að þú fáir þér miða á þessa stórskemmtilegu sýningu, þú bara VERÐUR.”
Lestraklefinn

Og þar hafið þið það! Þið bara VERÐIÐ að koma!

Hlökkum til að hlæja með ykkur

ATH! takmarkaður sýningarfjöldi!
(Sóli Hólm tekur Bæjarbíó yfir um miðjan nóvember.)

Nánari upplýsingar á Stubb.is og Baejarbio.is

Miðar

Í vetur snýr svo vinsæla sýningin EKKI HUGMYND aftur á litla sviðinu í Borgarleikhúsinu, Örfáar aukasýningar í boði!

Ekki hugmynd er bráðfyndið gamanleikrit þar sem mannabörnin Arnór, Óli og Vigdís eru öll týnd á tímamótum og hafa ekki hugmynd um hvað þau eiga að gera. En með gríni, mis-heimspekilegum kenningum, söng og öllum tiltækum leikhústrixum ætla þau að finna út úr þessu og færa íslensku þjóðinni svar við ráðgátum lífsins!

Jæja hvað ætlarðu svo að verða?
Ekki hugmynd.
Hvað skuldarðu mikið í skatt?
Ekki hugmynd.
Hvað á leikritið að heita?
Ekki hugmynd.

Það er skelfileg stund í lífi hvers mans þegar tilveran hættir

að vera hellað djamm og hótel mamma og verður virðisauki,

viðbótalífeyrissparnaður og almennur viðbjóður.
Snögglega breytist lífið í eitt stórt skyndipróf:
Heimsreisa eða háskólapróf?
Smokkur eða snudda?
Lán eða lífsvilji?
Og hvert er svarið?

Eeeeeekki huuuuuuugmynd.
Ps. Allir miðakaupendur fá þátttökuverðlaun.

Höfundar og leikarar: Arnór Björnsson, Óli Gunnar Gunnarsson, Vigdís Hafliðadóttir
Leikstjórn: Egill Andrason
Tónlist og hljóðmynd: Vigdís Hafliðadóttir og Andri Egilsson
Ljósahönnun: Sölvi Dýrfjörð
Leikmynd og búningar: Bryndís Ósk Ingvarsdóttir
Aðstoðaleikstjórn: Ásgrímur Gunnarsson
Dramatúrg: Björk Jakobsdóttir
Framkvæmdastjón: Björk Jakobsdóttir og Gunnar Helgason
Markaðssetning: Björk, Gunni, Arnór og Óli Gunnar

Framleiðendur: Gaflaraleikhúsið í samstarfi við Borgarleikhúsið
Við hlökkum til að fá ykkur í leikhúsið og hlökkum til að fá framtíðarsnilla í Gaflóskólann okkar

Miðar

Gunni og Felix

Fjölskyldujól

Gunni og Felix ætla að halda fjölskyldutónleika þann 19. desember 2026 í safnaðarheimili Hafnarfjarðarkirkju.

Tónleikarnir verða kósí og kyrrlátir – eða það er að minnsta kosti markmiðið. Ef það tekst verður það í fyrsta sinn sem þeir félagar verða kyrrlátir! Kannski verður þetta meira svona kósí og fjörugt.

Þetta verða sannkallaðir fjölskyldutónleikar. Ekki bara fyrir áhorfendur heldur líka fyrir þá Gunna og Felix. Þeir ætla nefnilega að fá sína eigin fjölskyldumeðlimi – sem eru söngvarar og leikarar – til að flytja með sér jólalög sem allir elska við undirleik þriggja manna stórsveitar. Sömuleiðis verður skólakór Setbergsskóla á staðnum og það er nánast alveg öruggt að einhver jólasveinn kíki í heimsókn.

Þetta verður fullkomin jólastund fyrir stór sem smá og svo er tilvalið að fara í jólaþorpið eftir tónleikana.

Gleðileg fjölskyldujól!

Drottningin sem kunni allt nema... er farandssýning hjá okkur og tilvalið er að panta hana alla eða atriði úr henni fyrir bæjarfélög, hátíðir, bókasöfn og skóla. Öll flottu lögin í sýningunni má nálgast á spotify og þá geta allir sungið með Bambalínu drottningu þegar hún kemur í heimsókn. Drottningin sem kunni allt nema..... er krúttleg og kjánaleg barnasýning sem er byggð á samnefndri bók eftir Gunnar Helgason og Rán Flygenring. Hún var valin barnabók ársins árið 2021 af Morgunblaðinu. Gunnar er mættur í leikhúsið til að sjá hvernig bókinni þeirra Ránar verður breytt í leikrit. En áður en hann veit af dregst hann inn í leiksýninguna og er látinn leika Snúllu, en þúsund milljón vegfarendur, hundrað börn og ástangið starfsfólk á leikskóla flækja málin. Bambalínu drottningu er nefnilega boðið að opna leikskóla þennan dag og hún verður ægilega spennt því drottningar fá svo sjaldan að leika sér. Kalli lífvörður e hræddur um að þau verði sein því Bambalína er svo lengi að ákveða í hvaða fötum hún ætli að fara ... og svo bilar hestvagninn ... og Bambalína vildi ekki fara á klóið fyrir ferðalagið. En eins og allir vita á alltaf að fara á klóið fyrir ferðalög! Drottningin sem kunni allt nema ... var frumsýnd 1. október 2023 í Bæjarbíói. Leikarar: Halla Karen Guðjónsdóttir, Ásgrímur Gunnarsson, Gunnar Helgason. Höfundar leikgerðar: Leikhópurinn og Björk Jakobsdóttir Leikstjóri: Björk Jakobsdóttir Búnningar og leikmynd: Embla Vigfúsdóttir Teikningar og grafík: Rán Flygenring Tónlist: Máni Svavarsson Lýsing: Agnar Hermannsson Sýningin er styrkt af Sviðslistasjóði og Hafnarfjarðarbæ